Të shtëna me armë zjarri raportohet se janë shënuar orët e mëngjesit ndaj një kompleksi në Maminas. Nuk raportohet për persona të lënduar, ndërsa autorët mbeten të panjohur për policinë.
Ngjarja
“Rreth orës 04:05, në autostradën Tiranë-Durrës, në Maminas, është qëlluar me armë zjarri në drejtim të derës së jashtme të një objekti, në pronësi të shtetasit L.Z., duke shkaktuar vetëm dëme materiale. Në ambientet e Policisë Durrës janë shoqëruar disa shtetas të dyshuar për këtë ngjarje. Grupi hetimor po punon për zbardhjen e e plotë të ngjarjes, identifikimin dhe kapjen e autorit/ve”, njoftoi policia.
Referuar raportimeve mediatike, është qëlluar me armë zjarri drejt kompleksit “Adorions Group”, që është në pronësi të një familjari të Eugert Lazaj, biznesmeni i cili u vetëvra në gusht të këtij viti.
Ekspertiza tregoi se arma e gjetur pranë trupit të Lazajt, është e njëjta që u përdor në ngjarjen e 4 tetorit 2018 në ish-bllok në Tiranë, ku në një shkëmbim zjarri u vra me armë zjarri Fabian Gaxha dhe u plagosën disa të tjerë.
Lexo edhe:
‘U fiksua gjatë karantinës dhe …’/ Familjarët tregojnë se ç’ndodhi me Eugert Lazajn para vetëvrasjes