Strukturat Doganore, gjatë kontrollit të ushtruar në bashkëpunim me punonjësit e Policisë Kufitare, sekuestruan një shumë prej 30 mijë paund cash, të cilat ishin të padeklaruara në Degën Doganore të Rinasit.
Sipas raportimit të strukturave doganore, gjatë kontrollit të pasagjerëve që vinin nga Britania e Madhe, konstatuan se shtetasi me inicialet SH.SH. kishte të padeklaruara një sasi përkatësisht prej 30 mijë paund të cilat u sekuestruan në cilësinë e provës materiale.
Nga ana strukturave hetimore u kryen veprimet e para hetimore për veprën penale “Mosdeklarimi i të hollave në kufi dhe sendeve me vlerë”.
Dogana informon se vijon bashkëpunimi me strukturat e Policisë së Shtetit, ku vetëm gjatë muajve të fundit, në të njëjtën linjë udhëtimi janë kapur disa herë sasi valute cash të padeklaruar.
