Furnizimi me ujë për të gjithë banorët e vendit do të sigurohet në vitin 2023, premtoi kryeministri Edi Rama, këtë të Premte.
Rama postoi dhe një tabele në faqen e tij në FB, sipas së cilës, është rritur numri i banorëve të cilët furnizohen me ujë të pijshëm që prej 2013-ës.
Komentet në postimin e kryeministrit kanë qenë të shumta. Si gjithnjë pozicionimet janë të ndryshme. Ka nga ata që vlerësojnë se kryeministri ka bërë një punë të mirë në qeverisjen e vendit. Dhe të tjerë që shprehen se postimet e tilla të Ramës janë vetëm propagandë, ndërsa gjendja në terren është e mjerë. Këta të fundit janë të shumtë, sidomos në këtë reagim të Ramës.
Qytetar i kujtojnë Ramës se të kesh ujë në vitin 2020 është një gjë normale dhe jo sukses, siç e quan ai. Ata tregojnë se probleme me furnizimin ka në kryeqytet, në Veri e në Jug.
Dikush e merr me sportivitet premtimin e kryeministrit, të cilit duket se i nevojitet dhe një mandat tjerë për ti çuar ujë në çezma qytetarëve. “Thënia e vitit 2020”, shkruan një komentues.
Të tjerë i kujtojnë se përveç ujit të pijshëm, komuniteti ku jetojnë nuk ka energji elektrike, shkolla e as rrugë.
Qytetarët gjithësi nuk duken shumë të entuziazmuar nga premtimet e kreut të qeverisë. Ndoshta e kanë kuptuar, Rama është i sprovuar dhe premtimet e pambajtura janë të shumta.
“Rrena”, shkruan një komentues në postimin e kryeministrit. “Mos gënje o njeri”, është një tjetër koment.
