Në prag të garës së Çmimit të Madh të Gjermanisë në Formula 1, që zhvillohet ditën e diel në pistën e Nurnburgring, vjen lajmi se një person në stafin e Mercedes ka dalë pozitiv me Covid-19.
Skuadra gjermane bën me dije se nuk bëhet fjalë për një nga dy pilotët, që po zbatojnë protokollin e sigurisë të miratuar nga FIA.
“Një anëtar i stafit tonë ka rezultuar pozitiv me Covid-19. Po punojmë ngushtë me FIA për të parë nëse ka persona të tjerë të infektuar në skuadër”, thuhet në komunikatën e Mercedes.
Mësohet se të dy pilotët e Mercedes, Lewis Hamilton e Valtteri Bottas, kanë kryer tamponin dhe janë në pritje të përgjigjes. Këtë sezon, piloti meksikan Sergio Perez doli pozitiv me koronavirus dhe mungoi në dy gara radhazi
