Partia Demokratike ka publikuar listën me 140 të propozuarit e saj për të qenë në listat e kandidatëve për deputetë në qarkun e Tiranës.
Mes kandidatëve që do të votohen nesër nga anëtarësia e PD përfshohen edhe emra të njohur të medias, artistë, sportistë, por edhe kritikë të kreut demokrat Lulzim Basha.
Regjisori Robert Budina, aktori Julian Deda, ish-kapiteni i Tiranës Gent Muça, ish-drejtorët e Policisë Erzen Breçani, Izet Hysa dhe Ahmet Prençi, futbollisti Andi Lila apo atletja Klodiana Shala, janë disa nga emrat e kandidatëve.
Po ashtu në mesin e të propozuarve janë edhe gazetari Basir Çollaku, apo dekanja e fakultetit të Gjuhës dhe Letërisë Lili Sula.
Në listën për deputetë të Tiranës është edhe ish-deputeti Agron Shehaj, i cili është zhvendosur nga qarku i Vlorës në drejtim të kryeqytetit, ndërsa demokratëve i është ribashkuar edhe Aleksandër Biberaj, pas disa krisjeve që ka pasur më parë me PD e drejtuar nga Sali Berisha.
Gjithashtu mes kandidatëve të propozuar është edhe Arben Ristani, ish-Sekretar i Përgjithshëm i PD, apo Tomor Alizoti, që shpeshherë kanë kritikuar linjën e ndjekur nga Basha.
Po ashtu një tjetër emër i njohur, që nuk u zgjodh në qarkun ku ka garuar më parë, në Kukës, është Flamur Noka, i cili i është bashkuar listës për Tiranën.
