Detaje të reja kanë dalë lidhur me vrasjen e dy kushërinjve Vilson Çutaj, 37 vjeç dhe Klement Pepaj, 21 vjeç të ekzekutuar me kallashnikov.
Sipas grupit hetimor, plumbat kanë përshkruar 21 vjeçarin në pjesën e kokës ndërsa Vilsonin në pjesën e brinjëve dhe të barkut duke i shkaktuar vdekjen e menjëhershme.
Madje trupat kishin nisur dhe dekompozimin në këtë zonë të thellë malore të Vrithit ku u gjetën nga policia pas 4 ditëve kërkime, transmeton Ora News.
Policia vijon të jetë në kërkim të Danjel Pepës. Policia shqiptare i ka kërkuar ndihmë autoriteteve malazeze për arrestimin e tij. Përveç marrjes në pyetje të Rrok Pepajt i cili tashmë është arrestuar do të merren edhe dëshmi të tjera.
Dëshmitë e Rrok Pepajt dhe familjarëve kanë qenë kontradiktore duke e bërë të vështirë zbardhjen e krimit pas së cilës dyshohet se është një konflikt i nisur për vjedhjen e bimëve të kanabisit në parcelë.
Në fillim Rrok Pepaj ka thënë se nuk kishte dijeni për të shtënat me armë që ishin dëgjuar në zonë. Ndërkohë policia gjeti trupat pasditen e djeshme pranë një zonë ku u gjetën të kultivuara 29 bimë kanabis.
Vilson Çutaj, 37 vjeç dhe Klement Pepaj, 21 vjeç u zhduken me 3 tetor 2020 dhe trupat e pajete të tyre u gjetën më 8 tetor 2020.
