Komisioneri për Zgjerimin në BE, Oliver Varhelyi bashkë me drejtuesen ONM-së Genoveva Ruiz Calavera, zhvilluan një takim me anëtarët e institucioneve të Vetingut, ku i kanë inkurajuar të vazhdojnë punën pa u ndikuar nga faktorë të jashtëm.
“Reforma në drejtësi duhet të vijojë. Sulmet e padrejta duhet të ndalen”, janë shprehur ata.
Komisioneri varhelyi tha se vlerësonte profesionalizmin dhe punën e tyre të palodhur. “BE mbështet fort procesin e vetingut që është çelësi për të dërguar Shqipërinë më afër BE-së”, shtoi ai.
“Është e rëndësishme që procesi i vetingut të vijojë me të njëjtin profesionalizëm dhe vendosmëri për të siguruar që që Reforma në Drejtësi të japë më të mirën për qytetarët shqiptarë. Sulmet e padrejta duhet të ndalen”, shkruan Calavera në një postim në Twitter.
