Kanë përfunduar 45 minutat e parë të takimit Maqedoni e Veriut-Kosovë e vlefshme për gjysmëfinalen e Ligës D në Ligën e Kombeve.
Ndeshja që luhet në Shkup kryesohet 2-1 nga vendasit. Fillimisht Maqedonia e Veriut ka kaluar në avantazh pas 15 minutash lojë, falë një autogoli nga Benjamin Kololli.
Kosova barazoi përkohësisht shifrat në minutën e 29-të me anë të Hadergjonaj. 26-vjeçari goditi nga distanca pas një gafe komike të portierit dhe mbrojtësit kundërshtar.
Gjithsesi ky rezultat do të ndryshonte shpejt, pasi vetëm katër minuta më vonë, Maqedonia e Veriut do të kalonte përsëri në avantazh, këtë herë me anë të Velkovski, ky i fundit i shërbyer nga Enis Bardhi.
