Një plagosje me thikë ka ndodhur në Korçë pasditen e sotme. Ngjarja ka ndodhur në lagjen e njohur Radenec.
Dy persona janë grindur për motive banale dhe njëri prej tyre është plagosur me thikë.
Mësohet se ai ka marrë dëmtime në pjesën e kofshës. Fatmirësisht, ai po trajtohet nga mjekët dhe është jashtë rrezikut për jetën.
“Më datë 08.10.2020, rreth orës 18:10, në lagjen nr. 17, gjatë një konflikti të çastit, shtetasi E. I., rreth 46 vjeç, banues në Korçë, dyshohet se ka dëmtuar me mjet prerës (thikë) në këmbë shtetasin P. M., rreth 28 vjeç, banues në Korçë, i cili u dërgua për mjekim në Spitalin e Korçës ku ndodhet jashtë rrezikut për jetën.” – njofton policia.
Nga ana e Policisë, po punohet për kapjen e autorit si edhe për sqarimin e plotë të rrethanave të ngjarjes.
