Sergio Ramos dhe Cristiano Ronaldo nuk ishin parë me njëri-tjetrin për më shumë se dy vjet, por miqësorja e Spanjës kundër Portugalisë në Lisbonë i bëri sërish bashkë ata.
Cristiano u largua nga Real Madrid për te Juventus në verën e vitit 2018, por disa gjeste që bëri Portugezi, të tilla si mos mbështetja e Luka Modric pasi ai fitoi Topin e Artë 2018 , nuk u përtypën mirë në dhomën e zhveshjes së Real Madrid .
Sidoqoftë, pasi Portugalia dhe Spanja barazuan 0-0 të Mërkurën në mbrëmje, Ramos shkoi në dhomën e zhveshjes së Portugalisë dhe mori një fanellë të nënshkruar nga Cristiano , ndërsa atyre u bashkua edhe ish-qendërmbrojtësi i Real Madridit, Pepe.
“Për mikun tim Sergio, me gjithë dashuri”, shkroi Cristiano si mesazh për Ramos.
Vetë Ramos e postoi foton në rrjetet sociale dhe e shoqëroi atë me një mesazh.
“Ne jemi akoma përreth … dhe ka edhe më shumë për të ardhur! Gëzohem që ju shoh, miqtë e mi,” lexohej.
