Mësuesit nuk i ka kënaqur vendimi i qeverisë për t’ua rritur pagat me 15%. Kjo të paktën sipas kryetares së Sindikatës së Pavarur të Arsimit për Tiranën Alma Lama.
Reagimi ka ardhur pasi për mjekët dhe infermierët rritja e pagave do të jetë 40 % dhe diferenca prej 25 % i ka bërë mësuesit të ndjehen të nënvlerësuar nga qeveria.
“Do të vejë 550 deri në 600 mijë lekë të vjetra. Një pagë 700-800 mijë të vjetra në muaj, do të ishte një pagë ku mësuesi do të kishte mundësi më shumë për familjen e vet”, shprehet Lama.
Arsimtarët janë të paqartë dhe për zbatimin e vendimit të fundit të qeverisë.
“Shqetësimi i mësuesve, ishte kjo rritje e pagës do të bëhet mbi pagën e grupit apo të pozicionin. VKM-ja 175 flitet që rritja e pagës duhet të bëhet mbi pagën e pozicionit”, tha ajo.
Rritje pagash në nivelin 15% vitin që vjen pritet të përfitojnë rreth 35 mijë arsimtarë në të gjithë vendin. Rreth pesë mijë prej tyre ndodhen në Tiranë.
