Partizani vijon përgatitjet në kuadër të sezonit të ri futbollistik. Skuadra e kuqe, me në krye trajnerin Ilir Daja është spostuar në periferi të kryeqytetit, në kompleksin “Football Republic”.
Me ekipin janë bashkuar Belica, Asani dhe Brown të cilët s’ishin të gatshëm për shkak dëmtimesh. I vetmi që mungon është Alban Hoxha, i cili është i grumbulluar me Kombëtaren për dy ndeshjet e Ligës së Kombeve.
“Skuadra vijon përgatitjet në kompleksin “Football Republic”. Në drejtimin e trajnerit Daja dhe stafit seanca e sotme është zhvilluar në orën 11:00. Me grupin janë bashkuar Belica, Asani dhe Brown të cilët kanë lënë pas dëmtimet dhe tashmë gëzojnë gjendje optimale fizike. Kapiteni Alban Hoxha rezulton mungesa e vetme pasi është grumbulluar me ekipin tonë përfaqësues. Përgatitjet do të vijojnë të enjten si zakonisht në orën 11:00″, shkruhej në njoftimin e klubit të kuq.
