Merkato e transferimeve u mbyll zyrtarisht mbrëmjen e djeshme ndërsa disa futbollistë të njohur kishin mbetur pa asnjë ekip.
Një prej tyre ishte edhe Mario Gotze, njeriut që vendosi Botërorin e vitit 2014 midis Gjermanisë dhe Argjentinës.
Ndërkohë, pas dëmtimeve të shumta që e shoqëruan gjermanin te Dortmund, Gotze ka firmosur për 2 vite me PSV Eindhoven.
Nga ana tjetër, Paris Saint Germain zyrtarizoi edhe goditjen e fundit të merkatos. Braziliani Rafinha iu bashkua parisienëve, pas aventurës së gjatë si pjesë e Barcelonës ndërsa do të qëndrojë në Francë deri në vitin 2023.
Kampionati portugez ka qenë, gjithashtu, aktiv në merkato me Sportingun e Lisbonës që arriti të sigurojë shërbimet e Joao Marios dhe Porton që u përforcua me brazilianin Felipe Anderson.
