Një ngjarje e rëndë ka ndodhur këtë pasdite në Pogradec. Një 41-vjeçar, teksa po rregullonte antenën mbi pallat, aksidentalisht është rrëzuar nga tarraca.
Pas mbërritjes në Spitalin e Pogradecit, A.S., ka ndërruar jetë.
Njoftimi i Policisë:
Më datë 06.10.2020, rreth orës 16:00, në lagjen nr. 5, shtetasi A. S., rreth 41 vjeç, dyshohet se duke rregulluar antenën aksidentalisht është rrëzuar nga tarraca e pallatit ku banonte, i cili pas mbërritjes në Spitalin e Pogradecit ka ndërruar jetë.
Grupi hetimor po punon për sqarimin e rrethanave të ngjarjes.
