Greva e naftëtarëve të Ballshit hyri këtë të Martë në ditën e 9 të grevës së urisë, me gjendjen e tyre shëndetësore që shkon drejt përkeqësimit.
Naftëtarët edhe sot bënë apel ndaj kryeministrit Edi Rama dhe autoriteteve shtetërore për plotësimin e kërkesave të tyre. Ata kërkuan dhe prezencën e Avokatit të Popullit, Presidentit apo kryeopozitarit.
“Kam pasur probleme shëndetësore, ndoshta na quajnë si ‘Big Brother’, janë 900 naftëtarë, po na sos durimi. Këta s’paskam as turp të na kthejnë përgjigje. Si do ti marrin votat? Kush ka ardhur të vizitojë naftëtarët? Ata e kanë zgjidhjen”, tha një prej naftëtarëve.
Naftëtarët kërkojnë pagat e prapambetura dhe rinisjen e punës në rafinerinë e Ballshit.
