Komisioneri për Zgjerimin i Komisionit Europian, Oliver Varhelyi do të vizitojë Tiranën të martën.
Ai pritet të takojë presidentin Ilir Meta, kryeministrin Edi Rama dhe kreun e opozitës Lulzim Basha.
Në orën 19:10 eurokomisioneri pritet të flasë në parlament.
Në një postim në Twitter, ambasadori i BE-së në Tiranë, Luigi Soreca shkruan se Oliver Varhelyi do të vizitojë rajonin këtë javë për të prezantuar raportet vjetarë të BE-së dhe planet ekonomike të investimeve.
Vizita e tij vjen një ditë pasi shumica socialiste miratoi në mënyrë të njëanshme ndryshimet e Kodit Zgjedhor. Miratimi i saj u kundërshtuar nga një pjesë e opozitës parlamentare dhe nga ajo jashtë parlamentit.
