Kuvendi ka miratuar sot përbërjen e institucioneve të reja që do të administrojnë procesin zgjedhor të 25 qershorit.
Pas zgjedhjes së Ilirjan Celibashit si Kryekomisione dhe Lealba Pelinkut si zv.Kryekomisionere, Kuvendi ka miratuar në bllok emrat e anëtarëve të KAS (Komisioni i Ankesave dhe Sanksioneve) si dhe Komisionit Rregullator të Zgjedhjeve.
Kështu me 105 vota pro u miratuan si anëtarë të KAS: Ledio Braho, Ilirjan Rusmali; Elvin Lako; Koli Bele dhe Elvis Çefa.
Ndërsa, si anëtarë të Komisionit Rregullator të Zgjedhjeve janë zgjedhur me 107 vota pro: Ilirjana Nano; Dritan Çaka; Arens Çela; Muharrem Çakaj dhe Helga Vukaj.
