Kukësi ka pësuar shumë ndryshime gjatë merkatos, ndërkohë që ka edhe një rast si Telushi që nënshkroi me verilindorët dhe luajti vetëm në Europë.
Trajneri Skënder Gega ka komentuar lëvizjet e shumta dhe largimin e vlonjatit drejt Neftchi Baku.
“Një pjesë janë larguar me dëshirën e klubit dhe një pjesë tjetër insistuan vetë. Janë afruar shumë futbollistë, do të shohim se si do të shkojë. Të gjithë ata që kanë ardhur kanë pasur një standard dhe një kosto. Gjërat ndodhën shumë shpejt”, tha Gega mbrëmë në emisionin “Zona Gol” në Supersport.
