“Korrupsioni i Edi Ramës vetëm me 2 çështje të humbura u kushton shqiptarëve 153 milionë euro”, u shpreh Enno Bozdo, gjatë një konference për mediat nga selia e PD, lidhur me humbjen e gjyqeve në Arbitrazh nga Shqipëria.
Bozdo theksoi se 153 milionë euro pagesa per interesin e Edi Ramës, do të mjaftonin për të financuar për 3 muajt e ardhshëm paketën e ndihmës së propozuar nga PD.
“Këto dite, një tjetër kompani e huaj paditi në arbitrazh Qeverine shqiptare. Kjo kompani, të cilës iu ndërpre kontrata e terminalit në portin kryesor të vendit, kërkon jo pak, por 100 milionë euro dëmshpërblim, për prishje të padrejtë kontrate”, tha Bozdo.
Sipas tij, kjo ngjarje ndodh pikërisht në vijim të dy vendimeve të fundit të arbitrazhit ndërkombëtar për të dëmshpërblyer investitorët e huaj me një shumë totale prej plot 153 milionë eurosh.
“Edi Rama, si përgjegjësi kryesor i kësaj katastrofe ekonomike, nuk do të nxjerre asgjë nga xhepi i tij. As ai dhe as ministrat e tij. Këto para do t’u merren pensionistëve dhe familjeve në asistencë sociale, familjeve të dëmtuara nga tërmeti që ende rrinë në çadra, do t’u merren bizneseve që kanë nevojë për mbështetje për t’u përballur me pandeminë, operatorëve turistike dhe fermerëve që nuk morën as edhe një lek të vetem nga Edi Rama”, tha Bozdo.
