Inspektorati Kombëtar i Mbrojtjes se Territorit ka shembur sot pasdite, në orën 16:00 pallatin 14 katesh në Durrës, i cili u spostua gjatë tërmetit të 26-nëntorit të kaluar.
Siç u njoftua edhe nga vetë IKMT-ja, shembja u krye me shpërthim të kontrolluar, në trupin e objektit janë hapur 5 mijë furnela dhe u përdorën 130 kilogramë lëndë eks plozive, tri tol, i llojit C.4.
Gjatë shpërthimit, mësohet se ka mbetur i plagosur një efektiv i forcave të armatosura, i cili nuk ka ruajtur distancën e duhur nga pallati. Efektivi është dërguar në spital për të marrë ndihmën e nevojshme mjekësore.
Ky pallat pësoi dëme dhe u spostua gjatë tërmetit të nëntorit të kaluar, ekspertët e klasifikuan të pabanueshëm dhe bënë gati përgatitjet për ta shembur.
