Deputetja e Partisë Socialiste Elisa Spiropali nuk e ka pritur mirë kur i është përmendur përplasja dhe deklaratat e ish-kryetarit të PS-së në Shkodër Edip Shiroka.
Gazetari Besart Jacaj ka kërkuar që në ekranin e studios të shfaqen deklaratat e Shirokës, por Spiropali është nxehur dhe e ka kundërshtuar, duke thënë se do të largohet nga studio.
Gazetari e ka pyetur më tej për telefonatën që Shiroka pretendoi se Spiropali i bëri të nesërmen e deklaratës së tij, duke e ofenduar.
Por deputetja e PS-së iu kthye gazetarit: “S’ke pse bën zëdhënësin e një njeriu kaq periferik”.
Spiropali u shfaq e tensionuar, por nuk ka mohuar se i ka telefonuar Shirokës. “Nëse ka ndodnjë gjë ky personi, që është qesharak, le t´i drejtohet Prokurorisë”, tha ajo.
