Presidenti Ilir Meta u shpreh sot në konferencën për media, se ka projekt për shpopullimin e Shqipërisë dhe për këtë fajësoi qeverinë dhe kryeministrin Edi Rama.
“12 persona largohet nga Shqipëria, për çdo 1000 banorë. Nga Kosova ikin 3 për 1000 banorë, nga Serbia vetëm 1. Jemi të vetmit me këto shifra. Nuk kemi të bëjmë me emigrim, por me shpopullim. Këtij projekti për shpopullimin e Shqipërisë, përmes krimit dhe pasigurisë dhe rrumpallës, nuk duhet ti bashkohet askush.
Më 25 Prill secili do mbajë përgjegjësi dhe ajo çfarë ka bërë tani do të mbajë përgjegjësi”, – u shpreh Presidenti.
Meta tha se këto veprime nuk bëhen nga socialistët e vërtetë por nga një sekt.
“Është një sekt, jo socialistët e Shqipërisë. Është një mashtrim i madh dhe përpjekja që bën Rama për të nxitur socialistët për pushtetin. Jo për pushtetin e socialistëve, pro e bën për oligarkët dhe bandat që komandojnë zyrtarët e shtetit. Ramën e kanë sjellë në pushtet bandat”, – theksoi Meta.
