Lista e liderëve politikë të infektuar nga Covid tani është e gjatë. Ndër të parët që u prekën nga virusi ishte sekretari i Partisë Demokratike në Itali, Nicola Zingaretti.
Ai rezultoi pozitiv në fillim të marsit, për ironi të fatit pas një aperitivi së bashku me kryebashkiakun, Beppe Sala.
Dy javë më pas, Italia mu kthye në karantinë.
Gjithashtu në Mars u prek princi Albert i Monakos.
“Ndihem mirë, kam simptoma të etheve, më duket si një rast mjaft i lehtë”, u tha ai gazetarëve.
Në të njëjtin muaj, virusi hyn në Pallatin Buckingham. Princi Charles rezultoi i prekur me koronavirusin.
Më pas ishte radha e Kryeministrit britanik, Boris Xhonson. Kryeministri 56-vjeçar, i cili në fillim të urgjencës shëndetësore propozoi imunitetin e tufës si një zgjidhje, u gjend në kujdesin intensiv në Spitalin St Thomas në Londër.
“Kam rrezikuar të vdes”, tha ai.
Në fund të gushtit virusi goditi gjithashtu ish-kryeministren e Ukrainës, Julia Tymoshenko, e cila u shtrua në spital në gjendje të rëndë dhe me ethe.
As Silvion Berluskoni nuk i shpëtoi virusit. Kreu i Forza Italia ishte testuar pozitivisht në fillim të Shtatorit. Për të ishte e nevojshme të shtrohej në spitalin San Raffaele në Milano dhe më pas të izolohej në rezidencën e tij në Arcore.
Në Rusi, zëdhënësi i Presidentit Putin, Dmitry Peskov, i cili u shtrua në spital me gruan e tij muajin e kaluar, rezultoi pozitiv por me simptoma të lehta.
