Nis falimentimi i fabrikave të përpunimit të qumshtit. Një nga këto fabrika, pikërisht ‘SOAL’ ka shpall falimentin. Lajmi mësohet nga burime brenda kësaj kompanie, e cila operon në treg që prej vitit 1994.
Falimentimi i kompanisë pranohet edhe nga një prej menaxherëve të saj, i cili i pyetur nga Boldnews dha edhe arsyet. Sipas tij, shkak janë bërë detyrimet e prapambetura të papaguara në shtet si pasojë e situatës nga Covid-19. Të njëjtat burime deklaruan se kishin shpresuar se shteti do të merrte parasysh situatën dhe do t’u jepte kohe kompanive të mëdha për shlyrejen e detyrimeve, por në të vërtetë tha ai, ndodhi ndryshe.
“Nuk e prisnim këtë gjë. Kemi që në vitin 1994 që punojmë në treg. Kemi pasur shitje të mira dhe bashkëpunim me të gjithë blegtorët ku kemi grumbulluar qumështin. Kemi dy muaj të papaguar detyrime ndaj shtetit. Shuma është e madhe, por megjithatë ne menduam se do të kishim lehtësira nga pandemia. Djemtë tanë do të shpërndajnë edhe nesër produkte në të gjithë vendin dhe më pas do ta mbyllim”, shpjegoi menaxheri.
Por ndërsa fabrika do të mbyllet nuk dihet sesi do të veprohet me qindra familje të cilat kanë shitur qumështin tek kjo fabrikë dhe nuk janë likujduar.
Banorët e zonës janë ankuar tek pronarët e fabrikës, ku kanë kërkuar edhe paratë, por sipas burimeve nuk kanë marrë ende asnjë përgjigje.
