Ish-deputeti i PD, Enkelejd Alibeaj i është përgjigjur ministrit të Brendshëm, Sandër Lleshaj për listat e zgjedhësve.
Ministri deklaroi një ditë më parë se nuk do të ketë ndërrim të qendrave të votimit të qytetarëve.
Lidhur me këtë, Alibeaj në një postim në rrjetet sociale shprehet se Lleshaj ka mashtruar sërish, ndërsa i kërkon të lexojë nenin 46 të Kodit Zgjedhor.
“Për Lleshajn dhe të gjithë ata që duan të manipulojnë listat e zgjedhësve, të lexojnë nenin 46 të Kodit Zgjedhor. Aty tregohet se si krijohen listat e zgjedhësve: krijohen nga REGJISTRI I GJENDJES CIVILE, ku elementi “vendbanim” është thelbesor!”, shkruan Alibeaj mes të tjerash.
Reagimi i plotë nga Enkelejd Alibeaj:
I KAPUR NE FLAGRANCE!
Sander Lleshaj paska mashtruar serish per skandalin e manipulimit te listave te gjendjes civile dhe listave te zgjedheseve!
Si i pandehur i kapur ne flagrance, u perbetoka se lista e zgjedhesve nuk do te ndryshoje. Dhe po si te pandehurit qe krimin e cojne deri ne fund, rrefen se do te zhvendose 300 mije qytetare nga vendbanimi i tyre.
Injoranca nuk eshte alibi per t’i shpetuar ndeshkimit ligjor !!
Mesimi i pare, per kedo zyrtar shteti eshte: lexo ligjin, lexo ligjin dhe lexo ligjin!
Per Lleshajn dhe të gjithë ata që duan të manipulojnë listat e zgjedhësve, të lexojnë nenin 46 të Kodit Zgjedhor. Aty tregohet se si krijohen listat e zgjedhësve: krijohen nga REGJISTRI I GJENDJES CIVILE, ku elementi “vendbanim” është thelbesor!
