Disa të rinj janë përfshirë në një sherr të ndodhur në periferi të Tiranës, mëngjesin e sotëm.
Policia bën me dije se dy persona janë plagosur, një prej të cilëve ka marrë plagë të shumta me thikë, por ndodhet jashtë rrezikut për jetën. Po ashtu, raportohet se është goditur me mjete të forta dhe një 19-vjeçar.
Një 16-vjeçar është arrestuar, ndërsa një 34-vjeçar është proceduar penalisht.
“Shërbimet e Policisë Kamzë arrestuan në flagrancë për veprën penale ‘Vrasja me dashje’ e mbetur në tentativë’, shtetasin e mitur me iniciale Sh. D., 16 vjeç, banues në Laknas, sepse në trotuarin e rrugës ‘Bulevardi Blu’, Kamzë, pas një konflikti për motive të dobëta me shtetasin E.D., 19 vjeç, banues në Kamzë, e ka goditur atë me thikë disa herë në kurriz dhe në krah, duke i shkaktuar dëmtime të rënda trupore.
Gjithashtu u procedua penalisht për veprën penale ‘Plagosja e lehtë me dashje’, shtetasi E.R., 34 vjeç, banues në Kamzë (shoku i E. D.), sepse ka goditur me mjete të forta në trup shtetasin Sh.D. Aktualisht shtetasi E. D. ndodhet në Spitalin e Traumës, jashtë rrezikut për jetën”, njoftoi policia.
