Gjykata e Vlorës dënon me 10 vite burg Tesi Bashon.
10 vitet e burgimit janë dhënë për veprat penale “Prodhim dhe shitje të lëndëve narkotike ” Falsifikim të dokumentacionit ” dhe “Kultivim të lëndëve narkotike”.
Masa e dënimit është miratuar nga gjykata e Vlorës, duke marrë parasysh dhe gjykimin e shkurtuar.
Kjo është vetëm njëra dosje në ngarkim të “të fortit të Selenicës”. Dosja e dytë kundër tij flet për akuzën e gjobëvënies 100 mijë euro, të vendosur ndaj biznesmenit Sulejmën Hoxha. Për këtë ngjarje ai është marrë i pandehur në muajin janar 2020 dhe ndodhet në fazën e gjykimit në gjykatën e Vlorës.
Ndërkohë dosja e tretë ka të bëjë me njohjen e vendimit penal të dhënë nga drejtësia Italiane për Bashon, pasi pak vite më parë ai është dënuar me burgim të përjetshëm nga drejtësia Italiane për ekzekutimin e dy prostitutave në Itali.
I konsideruar një person me rrezikshmëri të lartë, Basho është dënuar në Itali me burgim të përjetshëm nën akuzën e vrasjes së dy prostitutave në Torino, njërën prej të cilave e shfrytëzonte vetë.
Ai u arrestua në vitin 2016 në Itali, por vetëm pak kohë më vonë duke shfrytëzuar transferimit e tij pas tërmetit që “shkundi” Italinë, së bashku me dy shok të tjerë qelia u arratisja nga dritarja e burgut, me çarçaf dhe shkopa fshese.
