Kreu i PD, Lulzim Basha, në një konferencë për shtyp me gazetarët, tha se për më shumë se 6 muaj, Shqipëria po lëngon nga pandemia Covid-19.
Lideri demokrat shtoi se këto muaj ishin të vështirë për të gjithë, duke hedhur akuza ndaj qeverisë, se kjo e fundit nuk ka marrë asnjë plan masash kundër virusit të rrezikshëm.
Më tej, kreu i PD tha se të gabosh është njerëzore, por këto që kanë ndodhur në vendin tonë, nuk janë gabime por faje, sërish në adresim të qeverisë.
Edhe më herët, PD ka denoncuar me fakte keqmenaxhimin e pandemisë nga qeveria.
