Monika Fida, mjeke dermatologe në QSUT dhe pedagoge në Fakultetin e Mjekësisë, denoncon mungesën e vendparkimeve për personelin shëndetësor në Qendrën Spitalore Universitare Nënë Tereza.
Në një video postuar në rrjetet sociale, ajo tregon se ka marrë një gjobë për prakim të gabuar, teksa mjeti ishte ndaluar brenda ambienteve të QSUT-së. Mjekja shprehet se në sipërfaqen brenda territorit të spitalit, nuk lejohet të parkohen mjete nga mjekë pavarësisht se ata shërbejnë aty.
“Në këtë situate jemi, sepse koncesionari i parkimeve ka bllokuar gjithë vendet, ndërsa ne që ofrojmë shërbimin, bluzat e bardha, që deri dje ishin heronj, nuk mundemi që të parkojmë këtu. Sepse nuk ka vende QSUT-ja për mjekët, nuk ka vende për të ofruar shërbim”, shprehet mjekja e revoltuar në një video-live, të shpërndarë në profilin e saj në FB.
Ajo ka publikuar edhe tekstin e një mesazh për të cilin tregon se ia ka dërguar Drejtorit të Spitalit të QSUT. Këtij të fundit i kërkon zgjidhje për problemin.
Në mesazh shkruhet:
“Të lutem shumë – Na krijoni minimumin e kushtit të vijmë e të parkojmë si njerëz, pas Infektivit është bosh. Vi për qendrën e konsultave sot dhe për fakultet. Të paktën hapeni për personel pas Infektivit”.
Në një tjetër status në FB më vonë gjtë ditës, shkruan: “Turp QSUT! Ja edhe pse ikin mjeket! Veç të tjerave e të tjerave …. ! Turp!
