Gjatë 24 orëve të fundit, 137 qytetarë e kanë fituar betejën me virusin e rrezikshëm. Kjo është ndër shifrat më të larta të publikuara zyrtarisht nga Ministria e Shëndetësisë lidhur me shifrat e pacientëve që shërohen nga Covid-19.
Prej disa javësh, shifrat e të shëruarve kanë qenë në nivele 2 apo 3 herë më të ulëta se rastet e reja. E ndërsa ende nuk është bërë publik bilanci i 24 orëve të fundit mbi numrin e personave të infektuar dhe humbjet e jetëve si pasojë e koronavirusit, ka një lajm të mirë, ku numri i pacientëve të shëruar është në shifra 3 shifrore.
Një ditë më parë numri i pacientëve të shëruar ishte 88, ndërkohë që sot shifra rritet me 49 pacientë. Po dje ishin 2 pacientë që humbën jetën, ndërsa rastet e reja që u regjistruan ishin 108 nga 811 testime të kryera.
