Mesfushori i Interit, Stefano Sensi, ka dhënë sot një intervistë për mediat italiane, ku ka treguar se kush është idhulli i tij, pse mban numrin 12 në fanellë dhe se kush janë 5 futbollistët më të mirë në historinë e Interit.
“Jam një mesfushor dhe mbaj fanellën me numrin 12. Historia është e thjeshtë: pozicioni im i parë, kur kam qenë fëmijë, ka qenë ai i portierit. Idhulli im? Kam adhuruar gjithmonë Xavin. Nëse do ta takoja ndonjëherë, do t’i thosha: ‘Ke qenë gjithmonë idhulli im, kam parë të gjitha ndeshjet e tua: stili yt i lojës më ka magjepsur’.
Julio Cesar, një talent i pastër. Javier Zanetti, kapiteni i tripletës. Sneijder, përfaqësuesi më i mirë i shkollës holandeze. Ronaldo, asnjë si ai. Edhe Milito, i cili ka patur një nuhatje të pabesueshme për të gjetur rrjetën”.
