Deri më tani kemi parë raste në Shqipëri apo edhe Kosovë te disa skuadra që në rastin më të veçantë mund të kishin tre mbiemra të njëjtë në organikë. E sigurisht si një rast i veçuar është përfaqësuesja e dardanëve në kohën e trajnerit Albert Bunjaku, ku në atë periudhë te Kosova kishte shumë futbollistë me këtë mbiemër.
Por Besa nga Shipanica është vërtetë një rast i rrallë. Tek kjo skuadër janë 29 lojtarë të përfshirë në listë me të njëjtin mbiemër, Dërmaku. Shumë i dëgjuar tingëllon për shqiptarët pasi kemi Kastriotin që luan me Kombëtaren tonë.
Kjo lidhje vazhdon edhe më tej pasi ekipi në fjalë ndodhet në vendin ku ka lindur edhe gjyshi i Kastriot Dërmakut. Atje nuk banon asnjë fis tjetër dhe kjo është vërtet e veçantë. Në listën e mëposhtme të nxjerrë nga “Korrekti Sport” shihen 27 lojtarë me mbiemrin Dërmaku, pa harruar edhe dy lojtarët Rexhepi që e kanë ndërruar mbiemrin e tyre për shkak të disa problemeve, por i përkasin sërish të njëjtit fis. /Sport Ekspres/
