Ylli i televizionit Chloe Ferry ndau me ndjekësit një eksperiencë shumë të keqe në marrëdhënien e saj me telefonin. Ajo, tregoi se ishte shumë e frikësuar pasi qëndrimi për shumë orë në telefon, ndikoi në shikimin e saj.
Për shkak të qëndrimit të saj të gjatë në telefon, migrena e 25–vjeçares kishte avancuar shumë, saqë ajo nuk mund të shihte më.
“Ishte mjaft e frikshme. Humba shikimin përkohësisht. Kurrë, kurrë, nuk më ka ndodhur kështu më parë. Këtë mëngjes kisha shumë punë për të bërë, por vendosa ta bëj pushim.”
Mesa duket, 25-vjeçarja është frikësuar aq shumë saqë ka vendosur që për disa kohë të qëndrojë larg telefonit.
Më pas shtoi me shaka:“Pa dyshim që nëse ndonjëri më shkruan, sigurisht që do i përgjigjem, por jo për punë”.
