Presidenti Ilir Meta i bën thirrje qeverisë të rishikojë planet ndërtimore të HEC-ve në lumin Vjosë.
Në tryezën e rrumbullakët me temë: ‘‘E ardhmja e Lumit Vjosa’’ – digat në Parkut Kombëtar” zhvilluar këtë të Enjte, Meta u rendit në krah të shkencëtarëve në shqetësimin që kanë ata për dëmin që shkaktojnë ndërtimet e HEC-eve
“Duket se në këtë fazë tranzicioni, mjaft kaotike, prej vitit 2007 është rritur jashtëzakonisht numri I hec të ndërtuara, në ndërtim e sipër apo të ndërtuara apo në plan për tu përdorur për HEC. Dendësia e HEC-eve duket më e larta, në Ballkan”, tha kreu i shtetit.
Si shqetësim u ngrit dhe cilësia e hartimit të raporteve të ndikimit të HEC-ve në mjedis.
“Shpesh ato përgatiten në tavolinë në mënyrë të nxituar me shumë pak punë konkrete kërkimore në terren dhe shumë papërgjegjshmëri miratohet ajo që do qeveria dhe koncesionare. Nuk ka ndodhur asnjëherë që një raport i vlerësimit të ndikimit në mjedis të kundërshtojë një kërkesë për ndërtim. Këto ditë jam vënë në dijeni për një letër të hapur drejtuar qeverisë nga Komuniteti i Energjisë ku shprehin shqetësimin për vlerësimin e ndikimit të mjedisit të projektit të HEC të Pocemit mbi Vjosë. Çuditërisht duket që këto këmbana nuk dëgjohen jo vetëm nga ekspertiza mjedisore por dhe nga qeveria apo investitori. Unë e kuptoj se mos ndërtimi i HEC mund të ndikojë në humbjen e kapacitetit hidroenergjetik por në radhë të parë shteti duhet të mbrojë vlerat e natyrës dhe të shëndetit të njeriut. Kjo kërkesë buron nga Kushtetuta”, tha Meta.
residenti nënvizon se rishikimi nga qeveria i planeve ndërtimore në lumin e Vjosës do të ishte shenjë e mirë por dhe reagim ndaj të gjithë reagimeve ndërkombëtare por dhe atyre vendas.
“Mbështes ndalimin e digave mbi lumin Vjosë dhe shpalljen e saj park kombëtar të pjesës lumore ku parashikohen hecet e Poçemit dhe Kalivaçit. Çdo qëndrim kokëfortë nuk do I shërbente të mirës së përbashkët por dhe të ardhmes tonë europiane. Kjo duhet të ndodhë sot, tani. Çdo qytetar i thjeshtë të shkojë e të shikojë Valbonën se çfarë ka ndodhur, për të vënë duart në kokë, përpara se kjo gjë të ndodhë me Vjosën dhe lumenjtë e tjerë të Shqipërisë. Për ti vënë kazmën turizmit një ndër alternativat më afatgjata për të kontribuar në zhvillimin e qëndrueshëm”, u shpreh kreu i shtetit.
