Egzon Belica u dëmtua gjatë përgatitjeve të Partizanit në Ohër dhe javët e fundit ka qenë një nga mungesat e mëdha të Partizanit.
30-vjeçari prej ditësh ka ndjekur një terapi riaftësuese, por java ka nisur me lajm të mirë për stafin teknik, pasi Belica u është kthyer përgatitjeve në terren.
Gjithsesi, për disa ditë mbrojtësi do të vijojë me program të diferencuar, kryesisht të karakterit fizik dhe gradualisht të marrë ngarkesën me grupin.
Duke ditur se edhe për këtë fundjavë do të vazhdojë bojkoti i kampionatit, i bie që Egzon Belica të jetë gati për stafin për javën e ardhshme, ku shpresohet të nisë edhe sezoni i ri.
