Kreu i opozitës bjelloruse, Svetlana Tikhanovskaya u bëri thirrje vendeve anëtare të Bashkimit Europian të bojkotojnë financiarisht qeverinë bjelloruse.
“Të gjitha paratë që presidenti Aleksandër Lukashenko mund të marrë tani nuk do të shkojnë për popullin e Bjellorusisë”, tha Tikhanovskaya para gazetarëve, pas takimit me shumicën e diplomatëve të lartë të BE-së, kreun e politikës së jashtme të BE-së, Josep Borrell dhe kreun e Parlamentit Europian, David Sassoli.
Nga ana e tij, kryeministri bjellorus Roman Golovchenko tha se Perëndimi është përpjekur të nxisë kaos në Bjellorusi, duke theksuar se vendi po përballet me një presion të paparë nga jashtë.
