Një anestezist është gjetur nga kolegët i pajetë në hollin e një spitali privat në Tiranë, këtë të Hënë. Policia njoftoi se ka dyshime se mjeku dyshohet se ka humbur jetën për shkaqe natyrale.
“Rreth orës 08:35, në hollin e një spitali privat, është gjetur pa shenja jete, ndihmës anestezisti i spitalit, shtetasi M.A., 46 vjeç. Nga këqyrja paraprake nuk konstatohen shenja dhune, ku dyshohet se është vdekje natyrale”, njoftoi policia.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes, shtuan të njëjtat burime.
