Një aksident me dy të plagosur ka ndodhur orët e para të mëngjesit të kësaj të Hëne në Sarandë.
Autoambulanca e spitalit të Sarandës, që ishte drejtuar për në banesën e një pacienti që kishte nevojë për ndihmë mjekësore, është përplasur me një automjet tip “BMW X5” me targa angleze, në kryqëzimin e lagjes nr.3.
Për pasojë, ka mbetur e plagosur rëndë infermierja A.R, 57-vjeç, e cila ndodhej në autoambulancë.
Ajo është transportuar me helikopter drejt Spitalit të Traumës në Tiranë.
Ndërkohë, mjeti tip “BMW” ka përfunduar brenda një lokali dhe për pasojë është dëmtuar drejtuesi i mjetit.
