Nxirrte pllaka dekorative në Tomor dhe i shiste me dokumente false, arrestohet administratori i firmës

Një muaj hetime kanë çuar në pranga një 36-vjeçar, administrator i një firme private që nxirrte pllaka dekorative në malin e Tomorit. Në pranga ka rënë A.B., 36 vjeç, banues në fshatin Poliçan, Skrapar.

36-vjeçari nxirrte në mënyrë të kundërligjshme pllaka guri dekorative në Malin e Tomorit, zonë e shpallur “Park Kombëtar”, duke dëmtuar habitatin natyror të zonës së mbrojtur. Më pas i shiste me dokumentacion dhe fatura të falsifikuara, sqaroi policia.

Ai akuzohet për veprat penale “Dëmtimi i habitateve në zonat e mbrojtura mjedisore”, ‘’Fshehja e të ardhurave’’ dhe “Mospagimi i taksave dhe tatimeve”.