Këngëtari Big Basta duket se ka hequr dorë nga muzika pas shpërnguljes për në Zelandën e Re së bashku me bashkëshorten e tij Vesa Lumën dhe djalin e tyre.
Së fundmi, përmes rrjeteve sociale ka ndarë një shkrim me ndjekësit, ku shkruan: “3 vjet e gjys shkëputje nga muzika Shqiptare, për të ardhmen time dhe familjes sime. Që kur të shkoj 45-50 vjeç t’mos kërkoj për punë në RTSH dhe të jem në gjendje të përballoj pleqërine.Në Shqipëri, prapë pa të drejta autori, prapë pa pension artistik, prapë pa asnjë suport nga shteti (e patë vete në kohën më të vështire) dhe prapë me M*T e bëjnë duke bërë këngë aspak me vlera. Qëllimisht po pështyhet mbi atë vend, turp!”
Nuk dihet çfarë e ka irrituar konkretisht Big Bastën, por duket se dhe bashkëshortja e tij, Vesa, e mbështet këtë mendim pasi e ka ri- shpërndarë postin e tij.
