Një barke me rreth 50 migrantë ka humbur kontrollin ne zonën detare midis Katakolos dhe Kyparissia si pasojë e ciklonit mesdhetar “Ianos” që ka përfshirë Greqinë. Për shkak të erërave të forta asnjë anije shpëtimi nuk mund ti afrohet.
ZëvendësMinistri i Mbrojtjes Civile, Nikos Hardalias ka deklaruar mëngjesin e së premtes se ka pasur ndërprerje të energjisë elektrike në ishujt e Jonit si: Zakynthos, Qefaloni dhe Itakë. Erëra të fuqishme me shpejtësi 80 km në orë kanë goditur ishujt dhe reshje të denduar janë regjistruar në Itakë.
Në të tre ishujt e Jonit ka pasur peme te shkulura, ose te thyera nga fuqia e erës, barka te mbytura dhe disa zona banimi të permbytura.
Shërbimi i mbrojtjes civile ka paralajmëruar që cikloni po lëviz në gadishullin e Peloponezit dhe më pas do të prekë Greqinë qendrore dhe do te vazhdojë të godasë vendin deri të dielën në mëngjes, ndërsa orët e ardhshme deri në mëngjesin e së shtunës janë më kritiket.
