Komisioni i Pavarur i Kualifikimit njoftoi këtë të Enjte shkarkimin nga detyra të gjyqtarit të Gjykatës Administrative të Apelit Tiranë, Arjan Qafa.
Qafa u përball të premten më 11 shtator me Komisionin e Pavarur të Kualifikimit. Trupa gjykuese e përbërë nga Valbona Sanxhaktari, Lulzim Hamitaj dhe Pamela Qirko, konstatoi problematike të shumta në pasurinë e Arjan Qafas.
Gjyqtari i Apelit Administrativ u përpoq të shmangte barrën për 80 mijë euro cash të deklaruara nga bashkëshortja dhe 7.4 milionë lekë të përfituara si interesa huaje përmes një kontrate të diskutueshme paramartesore. Sipas Komisionit, të paprovuara janë edhe 47 mijë euro dhurata nga familjarët.
‘Kemi kontratë paramartesore’: Gjyqtari Qafa tenton të distancohet nga paratë e së shoqes
Arjan Qafa e ka filluar karrierën në sistemin e drejtësisë në vitin 1996 dhe ka punuar si gjyqtar në Bulqizë dhe në Dibër deri në vitin 2010. Në periudhën 2010-2014, Qafa ka punuar si inspektor për Këshillin e Lartë të Drejtësisë, për t’u emëruar më pas si gjyqtar i Gjykatës Administrative të Apelit.
Arjan Qafa është kallëzuar penalisht për fshehje pasurie në vitin 2014.
Pasuria/ Si ia “amnistoi” prokuroria gjyqtarit Arjan Qafa mijëra euro “dhurata”
