Shërbimi për Çështjet e Brendshme dhe Ankesat (SHÇBA), ka pezulluar nga detyra disa punonjës policie në Dropull. Shkak është bërë një kontroll në territor, nga i cili ka rezultuar gjetja e rreth 1 mijë bimë narkotike, që janë asgjesuar më pas nga forcat që kanë shkuar nga Tirana.
Bimët narkotike ishin kultivuar në disa parcela të zonës dhe dyshimet e para janë ngritur nga SHÇBA ndaj punonjësve të policisë lokale që nuk kanë vepruar.
Ende nuk dihet numri i punonjësve të policisë që janë pezulluar, por burime nga SHÇBA bëjnë me dije se hetimet janë shtrirë në pothuajse gjithë zinxhirin e komandës.
