Arjola Demiri është nënë beqare e tre fëmijëve. Pavarësisht se i duhet të rrisë fëmijët e vetme, aktorja është treguar e fortë dhe ia ka arritur që t’ia dalë mbanë të jetë e suksesshme në karrierën e saj. Dhe ishte pikërisht ky mesazhi që u përcolli femrave në një postim në rrjetet sociale.
Arjola Demiri u kërkon femrave që të mos kërkojnë kurrë falje se janë të fuqishme, si edhe nuk duhet që të ndiejnë keqardhje për veten apo ti lënë njerëzit ti keqtrajtojnë.
Ajo shkruan se nëse “bie do ngrihet dhe më e fortë sepse është një e mbijetuar dhe jo një viktimë”. Ndërsa shtoi se ka kontrollin e jetës dhe mund të arrijë çdo gjë që dëshiron.
“Jam një grua e fortë. Nuk ndjej keqardhje për veten time dhe as nuk i lë njerëzit të më keqtrajtojnë. Nuk u përgjigjem njerëzve që kërkojnë të më imponohen ose që përpiqen të më ulin. Nëse bie do ngrihem dhe më e fortë sepse jam një e mbijetuar dhe jo një viktimë. Unë kam kontrollin e jetës sime dhe nuk ka asgjë që s’mund ta arrij. Asnjëherë mos kërko falje që je një grua e fuqishme,”- shkroi aktorja.
Pas suksesit në kinematografi, Arjola Demiri tani synon të hyjë në politikë. Aktorja është komentuar në mediat online si emri surprizë i zgjedhjeve të ardhshme.
