Anglezi, Anthony Taylor, do të arbitrojë finalen e Superkupës së Europës Bajern Munich-Sevilla, e cila do të luhet në 24 shtator në Budapest, Hungari.
Lajmin e konfirmoi, UEFA, teksa se 42-vjeçari do të vendosë drejtësinë midis fituesve të Ligës së Kampioneve dhe Ligës së Europës.
Taylor është një arbitër me reputacion të madh në vendin ishullor dhe ka gjykuar 259 ndeshje të Premier Ligës, ndërsa në kompeticionet europiane ka dhënë verdiktin e tij në 22 ndeshje të Ligës së Kampioneve, 19 të Ligës së Europës, 2 ndeshje në Ligën e Kombeve dhe 7 miqësore ndërkombëtare.
