Shtetet federale të Gjermanisë kanë rënë dakord që një pjesë e stadiumeve do të mbushet me tifozë në startin e Bundesligës këtë fundjavë.
Lajmi është konfirmuar për Reuters nga burime konfidenciale që ishin të përfshira në bisedime. Sipas këtij udhëzimi, klubet kanë të drejtë të mbushin stadiumet e tyre deri në 20% të kapacitetit.
Nëse nuk do të ketë shtim të personave të infektuar me coronavirus, atëherë autoritetet gjermane do të lejojnë ndjekjen e ndeshjeve me një kuotë të tifozëve në stadiume deri në fund të sezonit.
