Klevis Kapllani, 33 vjeç, sipas policisë është gjetur i vdekur në mjetin e tij në fshatin Sinaballaj të Rrogozhinës.
Nuk dihen ende shkaqet e vërteta, por policia ka dyshime se Kapllani mund të jetë qëlluar me armë zjarri. Mësohet se Kapllani kishte precedent të mëparshëm në Itali.
33-vjeçari thirrej dhe me emrin Bledi Kapllani. Kjo pasi dyshohet se ai kishte ndryshuar emër.
“Më datë 15.09.2020, rreth orës 06:00, në fshatin Sinaballaj të Rrogozhinës, është gjetur pa shenje jete në mjetin e tij, dyshohet si pasojë e përdorimit të armës së zjarrit, shtetasi K.K., 33 vjeç. Është ngritur menjëherë një grup i posaçëm hetimor i përbërë me Specialistët të Drejtorisë Vendore të Policisë Tiranë dhe Specialistë të Komisariatit të Policisë Kavajë dhe nën drejtim e Prokurorisë vijon puna për fiksimin e çdo prove materiale që do çonte në zbardhjen e ngjarjes, identifikimin dhe kapjen e autorëve”, njoftoi policia.
Lexo edhe:
