Prej disa ditësh, Butrint Imeri është bërë kryefjalë e mediave, lidhur me postimet misterioze në Instagram, ku është shfaqur në Paris krah një vajze identitetin e të cilës nuk e ka zbuluar.
Fillimisht, ai postoi një video nga Parisi, ku shfaqej në makinë, por detajistët vunë re në hijen e krijuar në xhamat e makinës se videon po e regjistron një vajzë. Pasi ky lajm mori dhenë, autori i hitit “Xhanëm” ka vendosur të na ngacmojë sërish ditën e djeshme, duke postuar një tjetër video në Instastory.
Në video dukej se ndodhej në një hotel pranë detit, e teksa del në ballkon shihej vajzën misterioze që merr rreze dielli. Sipas fansave, vajza misterioze që po e shoqëron Butrintin është modelja Ery Viero, me të cilën e kemi parë të shoqërohet edhe më parë.
Dyshimet janë ngritur nga postimet e saj në Instastory, ku shihet në të njëjtin vend nga ku ka postuar Butrinti videon, teksa ka vendosur vendndodhjen “Paris”. Për rikujtesë, në shtator të 2019 ata u vunë në qendër të mediave, pasi u panë bashkë në Santorini.
Ery jeton në Greqi dhe me Butrintin është njohur që në verën e vitit të kaluar, pas realizimit të klipit “Dream girl”, ku ajo ishte protagoniste.
