Los Angeles Lakers sigurojnë pas 10 vjetësh mungesë finalen e Konferencës së Perëndimit në NBA.
Seria e ndeshjeve kundër Houston Rockets ka rezultuar tepër e thjeshtë për skuadrën e udhëhequr nga LeBron James dhe Anthony Davis.
Lakers dominuan në ndeshjen e 5-të kundër Houston Rockets, 119-96 dhe mbyllur serinë 4-1. Tani në finale mund të jetë derbi i shumëpritur kalifornian mes Lakers dhe Clippers, me këta të fundit që kryesojnë 3-2 ndaj Nuggets mund të mbyllin llogaritë në rast suksesi mbrëmjen e sotme.
Përballja e pestë mes Lakers dhe Rockets nuk pati histori, pasi u vendos që në periodën e parë, me një rezultat të pjesshëm 35-20.
Rockets u përpoqën të shkurtonin diferencën para pushimit me pjesëve, por në periodën e tretë LeBron me shokë e “vranë” përfundimisht ndeshjen, duke shkuar plus 26 pikë. Në periodën e fundit Rockets thjesht pritën rënien e sirenës për të zyrtarizuar eliminimin.
Të gjithë basketbollistët titullarë të Lakers realizuan numër dyshifror pikësh, të udhëhequr nga LeBron, i cili shënoi 29 pikë, rikuperoi 11 topa dhe dha 7 asistime.
30 pikët e James Harden rezultuan të pamjaftueshme për Houstonin, ndërsa për Russell Westbrook ishte një mbrëmje vërtet për t’u harruar, pasi e mbylli takimin me vetëm 10 pikë, duke mos qenë i saktë në asnjë tentativë për tre.
