Klubi holandez i Twentes ka vendosur në karantinim futbollistin shqiptar Lindon Selahi. Vendimi erdhi pasi të shtunën klubi danez Velje konfirmoi se futbollisti i Shqipërisë Ylber Ramadani ishte infektuar me koronavirus gjatë udhëtimit për t’iu bashkuar kombëtares për dy ndeshjet e Ligës së Kombeve.
Tekniku Ron Jans nuk e ka grumbulluar mesfushorin Selahi për ndeshjen e djeshme me Fortuna Sitardin.
Sipas “twenteinsite.nl”, te Shqipëria janë infektuar dy lojtarë gjatë grumbullimit.
21-vjeçari Selahi ishte thirrur nga trajneri Edi Reja për ndeshjet me Bjellorusinë (0-2) dhe Lituaninë (0-1). Sipas medias në fjalë, lojtari ka rezultuar negativ në testin për koronavirusin.
